ja hérna hér

Ja hérna hér, það er aldeilis sem að ég hef staðið við áramótaheitið mitt  sem var að vera duglegri að blogga á þessu ári, en fyrir þá sem ekki vita þá er áramótaheit einmitt til þess að sjá hve lengi maður stendur undir heitinu, ég sem sagt féll á fyrsta degi  allt hefur gengið sinn vanagang hjá okkur á Silfurgötu 45 nema að við erum orðin 7 í heimili  alltaf fjör, það hafa þrír bráðhressir einstaklingar bæst í hópinn. Gissur og Jón eru fluttir aftur heim frá Bifröst, Jón byrjaður í leikskólanum í hólminum, Gissur að leysa Matta af sem stuðningsfulltrúi upp í Grunnskóla og svo er hún Telma mín flutt til okkar, hún ætlar að klára skólann, bara geggjað að hafa tvær skvísur á heimlinu og það er sérstaklega gaman þegar það eru stelpukvöld hér heima þegar allar vinkonurnar koma í heimsókn. t.d síðasta mánudag var mikið fjör þá horfðum við á körfuboltaleik Snæfell-Stjarnan sem að var mjög skemmtilegt framan af þangað til Snæfell tapaði þá var ekki eins skemmtilegt. En svo redduðu þeir sér í næsta leik ( eiginlega má segja fyrir horn) því tæpt var það maður  hef ekki upplifða eins mikla spennu í leik, þar sem svo mikið var í húfi. En nú tekur næsta viðureign við en það er á móti Grindavík, það verður mikil spenna enda Grindavík með rosalega gott lið. Það er sem sagt körfubolti og Idol keppni sem á hug okkar allan þessa daga, þar sem einn mjög góður strákur héðan úr hólminum er að keppa og það eru allir svo stoltir af honum Matta, eða Matta okkar eins og hann er kallaður í dag. Við vonum líka að hann verði sem lengst í þessari keppni því þá hefur Gissur vinnu  ég spái því allavega að verði í topp 4?  En nú er lag að fara að hafa sig til fyrir kvöldið, það er mikil hátíð hér í bæ, Söngvaseiður, söngvakeppni á milli fyrirtækja, með alvöru hljómsveit. Þetta var mjög fínt í fyrra og verður eflaust ekki síður í kvöld, matur, skemmtun og ball  Hlakka bara til. Þangað til næst, það er blessuð blíðan og bæirnir allt um kring